Sonlar

Sonlar

Primitiv son tiplari ikki guruhga bo‘linadi:

Butun son tiplari kasr qismisiz musbat yoki manfiy butun sonlarni (masalan, 123 yoki -456) saqlaydi. Bunga byte, short, int va long tiplari kiradi. Qaysi tipdan foydalanish sonli qiymatga bog‘liq.

Suzuvchi nuqtali tiplar bir yoki bir nechta o‘nli raqamdan iborat kasr qismiga ega sonlarni ifodalaydi. Ular ikkita: float va double.

Butun son tiplari

Byte

byte ma’lumot tipi -128 dan 127 gacha bo‘lgan butun sonlarni saqlay oladi. Qiymat -128 va 127 oralig‘ida bo‘lishiga ishonchingiz komil bo‘lsa, xotirani tejash uchun undan int yoki boshqa butun son tiplari o‘rniga foydalanish mumkin:

byte myNum = 100;
System.out.println(myNum);

Short

short ma’lumot tipi -32768 dan 32767 gacha bo‘lgan butun sonlarni saqlay oladi:

short myNum = 5000;
System.out.println(myNum);

Int

int ma’lumot tipi -2147483648 dan 2147483647 gacha bo‘lgan butun sonlarni saqlay oladi. Umuman olganda, darsligimizda ham sonli qiymatga ega o‘zgaruvchilar yaratishda int ma’lumot tipi afzal ko‘riladi.

int myNum = 100000;
System.out.println(myNum);

Long

long ma’lumot tipi -9223372036854775808 dan 9223372036854775807 gacha bo‘lgan butun sonlarni saqlay oladi. U qiymatni saqlash uchun int yetarli bo‘lmaganda ishlatiladi. E’tibor bering, qiymat oxiriga "L" harfini qo‘yishingiz kerak:

long myNum = 15000000000L;
System.out.println(myNum);

Suzuvchi nuqtali tiplar

9.99 yoki 3.14515 kabi kasr qismli son kerak bo‘lganda suzuvchi nuqtali tipdan foydalanishingiz kerak.

float va double ma’lumot tiplari kasr sonlarni saqlay oladi. E’tibor bering, qiymat oxiriga float uchun "f", double uchun esa "d" harfini qo‘yishingiz kerak:

float myNum = 5.75f;
System.out.println(myNum);

double myNum = 19.99d;
System.out.println(myNum);

Ilmiy ko‘rinishdagi sonlar

Suzuvchi nuqtali son 10 ning darajasini bildiruvchi "e" harfi bilan ilmiy ko‘rinishda ham yozilishi mumkin:

float f1 = 35e3f;
double d1 = 12E4d;
System.out.println(f1);
System.out.println(d1);