Java metodlari

Metod — faqat chaqirilganda ishlaydigan kod bloki.

Metodga parametrlar deb ataladigan ma’lumotlarni uzatishingiz mumkin.

Metodlar muayyan amallarni bajarish uchun ishlatiladi va ular funksiyalar deb ham ataladi.

Nega metodlardan foydalanish kerak? Koddan qayta foydalanish uchun: kodni bir marta aniqlab, undan ko‘p marta foydalaning.

Metod yaratish

Metod sinf ichida e’lon qilinishi kerak. U metod nomi va undan keyin keladigan qavslar () bilan aniqlanadi. Java System.out.println() kabi ba’zi oldindan belgilangan metodlarni taqdim etadi, lekin muayyan amallarni bajarish uchun o‘z metodlaringizni ham yaratishingiz mumkin:

public class Main {
  static void myMethod() {
    // code to be executed
  }
}

Misol izohi

• myMethod() — metod nomi
• static metod Main sinfining obyektiga emas, balki Main sinfining o‘ziga tegishli ekanini bildiradi. Obyektlar va obyektlar orqali metodlarga qanday murojaat qilish haqida ushbu darslikda keyinroq bilib olasiz.
• void bu metod qiymat qaytarmasligini bildiradi. Qaytariladigan qiymatlar haqida ushbu bobda keyinroq batafsil bilib olasiz

Metodni chaqirish

Java tilida metodni chaqirish uchun metod nomini, undan keyin ikkita qavs () va nuqtali vergul; yozing

Quyidagi misolda myMethod() chaqirilganda matn chiqarish (amal) uchun ishlatiladi:

public class Main {
  static void myMethod() {
    System.out.println("I just got executed!");
  }

  public static void main(String[] args) {
    myMethod();
  }
}

// Outputs "I just got executed!"

Metodni bir necha marta ham chaqirish mumkin:

public class Main {
  static void myMethod() {
    System.out.println("I just got executed!");
  }

  public static void main(String[] args) {
    myMethod();
    myMethod();
    myMethod();
  }
}

// I just got executed!
// I just got executed!
// I just got executed!