C++ for sikli

Kod blokini necha marta takrorlash kerakligini aniq bilsangiz, while sikli o‘rniga for siklidan foydalaning:

for (1-ko‘rsatma; 2-ko‘rsatma; 3-ko‘rsatma) { // bajariladigan kod bloki }

1-ko‘rsatma (statement 1) kod bloki bajarilishidan oldin (bir marta) bajariladi.

2-ko‘rsatma (statement 2) kod blokini bajarish shartini belgilaydi.

3-ko‘rsatma (statement 3) kod bloki bajarilgandan keyin (har safar) bajariladi.

Sonlarni chiqarish

Quyidagi misol 0 dan 4 gacha bo‘lgan sonlarni chiqaradi:

for (int i = 0; i < 5; i++) { cout << i << "\n"; }

Misol izohi

1-ko‘rsatma sikl boshlanishidan oldin o‘zgaruvchini o‘rnatadi: int i = 0
2-ko‘rsatma siklning bajarilish shartini belgilaydi: i < 5. Agar shart rost bo‘lsa, sikl qaytadan boshlanadi, yolg‘on bo‘lsa, sikl tugaydi.
3-ko‘rsatma sikldagi kod bloki har safar bajarilganidan keyin qiymatni oshiradi: i++

Bu misol 0 dan 10 gacha bo‘lgan juft qiymatlarni chiqaradi:

for (int i = 0; i <= 10; i = i + 2) { cout << i << "\n"; }

Bu misol 1 dan 5 gacha bo‘lgan sonlar yig‘indisini hisoblaydi:

int sum = 0; for (int i = 1; i <= 5; i++) { sum = sum + i; } cout << "Sum is " << sum;

Bu misol 5 dan 1 gacha teskari sanashni chiqaradi:

for (int i = 5; i > 0; i--) { cout << i << "\n"; }

Yutuqlaringizni kuzating – bu bepul!