C# for sikli

C# for sikli

Kod blokini necha marta takrorlash kerakligini aniq bilsangiz, while sikli o‘rniga for siklidan foydalaning:

for (1-ko‘rsatma; 2-ko‘rsatma; 3-ko‘rsatma) 
{
  // bajariladigan kod bloki
}

1-ko‘rsatma (statement 1) kod bloki bajarilishidan oldin (bir marta) bajariladi.

2-ko‘rsatma (statement 2) kod blokini bajarish shartini belgilaydi.

3-ko‘rsatma (statement 3) kod bloki bajarilgandan keyin (har safar) bajariladi.

Quyidagi misol 0 dan 4 gacha bo‘lgan sonlarni chiqaradi:

for (int i = 0; i < 5; i++) 
{
  Console.WriteLine(i);
}

Misol izohi

1-ko‘rsatma sikl boshlanishidan oldin o‘zgaruvchini o‘rnatadi (int i = 0).

2-ko‘rsatma siklning ishlash shartini belgilaydi (i 5’dan kichik bo‘lishi kerak). Agar shart true bo‘lsa, sikl qaytadan boshlanadi, false bo‘lsa, sikl tugaydi.

3-ko‘rsatma sikldagi kod bloki har safar bajarilganidan keyin qiymatni oshiradi (i++).

Yana bir misol

Ushbu misol 0 dan 10 gacha bo‘lgan faqat juft qiymatlarni chiqaradi:

for (int i = 0; i <= 10; i = i + 2) 
{
  Console.WriteLine(i);
}

Ichma-ich sikllar

Siklni boshqa sikl ichiga joylashtirish ham mumkin. Bu ichma-ich sikl (nested loop) deb ataladi.

"Ichki sikl" "tashqi sikl"ning har bir iteratsiyasi uchun bir marta bajariladi:

// Outer loop
for (int i = 1; i <= 2; ++i) 
{
  Console.WriteLine("Outer: " + i);  // Executes 2 times

  // Inner loop
  for (int j = 1; j <= 3; j++) 
  {
    Console.WriteLine(" Inner: " + j); // Executes 6 times (2 * 3)
  }
}