C# If...Else shartlari

C# shartlari va if operatorlari

C# matematikadan tanish bo‘lgan quyidagi kabi taqqoslash shartlarini qo‘llab-quvvatlashini allaqachon bilasiz:

• Kichik: a < b
• Kichik yoki teng: a <= b
• Katta: a > b
• Katta yoki teng: a >= b
• Teng a == b
• Teng emas: a != b

Bu shartlardan turli qarorlar uchun turli amallarni bajarishda foydalanishingiz mumkin.

C# da quyidagi shart operatorlari mavjud:

• Berilgan shart rost bo‘lsa, bajariladigan kod blokini belgilash uchun if’dan foydalaning
• Xuddi shu shart yolg‘on bo‘lsa, bajariladigan kod blokini belgilash uchun else’dan foydalaning
• Birinchi shart yolg‘on bo‘lsa, tekshiriladigan yangi shartni belgilash uchun else if’dan foydalaning
• Bajariladigan ko‘plab muqobil kod bloklarini belgilash uchun switch’dan foydalaning

if operatori

Shart True bo‘lganda bajariladigan C# kod blokini belgilash uchun if operatoridan foydalaning.

if (condition) 
{
  // block of code to be executed if the condition is True
}

Quyidagi misolda 20 soni 18 dan kattami yoki yo‘qligini bilish uchun ikki qiymatni tekshiramiz. Agar shart True bo‘lsa, biror matn chiqaramiz:

if (20 > 18) 
{
  Console.WriteLine("20 is greater than 18");
}

O‘zgaruvchilarni ham tekshirishimiz mumkin:

int x = 20;
int y = 18;
if (x > y) 
{
  Console.WriteLine("x is greater than y");
}

Misol izohi

Yuqoridagi misolda x’ning y’dan kattaligini (> operatori yordamida) tekshirish uchun x va y nomli ikki o‘zgaruvchidan foydalanamiz. x 20 ga, y esa 18 ga teng va 20 ning 18 dan kattaligini bilganimiz uchun ekranga "x is greater than y" matnini chiqaramiz.