C# Boolean qiymatlari

C# Boolean qiymatlari

Dasturlashda sizga ko‘pincha faqat ikki qiymatdan birini qabul qila oladigan ma’lumot tipi kerak bo‘ladi, masalan:

• HA / YO‘Q
• YONIQ / O‘CHIQ
• ROST / YOLG‘ON

Buning uchun C# da true yoki false qiymatlarini qabul qila oladigan bool ma’lumot tipi mavjud.

Boolean qiymatlar

Boolean tipi bool kalit so‘zi bilan e’lon qilinadi va faqat true yoki false qiymatlarini qabul qila oladi:

bool isCSharpFun = true;
bool isFishTasty = false;
Console.WriteLine(isCSharpFun);   // Outputs True
Console.WriteLine(isFishTasty);   // Outputs False

Biroq shartlarni tekshirish uchun boolean qiymatlarni boolean ifodalardan qaytarish ko‘proq uchraydi (quyiga qarang).

Boolean ifoda

Boolean ifoda qiymatlar/o‘zgaruvchilarni taqqoslab, boolean qiymat qaytaradi: True yoki False.

Bu mantiq qurish va javob topish uchun foydali.

Masalan, ifoda (yoki o‘zgaruvchi) rost ekanligini bilish uchun katta (>) operatori kabi taqqoslash operatoridan foydalanishingiz mumkin:

int x = 10;
int y = 9;
Console.WriteLine(x > y); // returns True, because 10 is higher than 9

Yoki bundan ham osonroq:

Console.WriteLine(10 > 9); // returns True, because 10 is higher than 9

Quyidagi misollarda ifodani hisoblash uchun teng (==) operatoridan foydalanamiz:

int x = 10;
Console.WriteLine(x == 10); // returns True, because the value of x is equal to 10

Console.WriteLine(10 == 15); // returns False, because 10 is not equal to 15

Hayotiy misol

Keling, insonning ovoz berish uchun yoshi yetarli ekanligini aniqlashimiz kerak bo‘lgan "hayotiy misol"ni ko‘rib chiqaylik.

Quyidagi misolda yosh (25) 18’ga teng qilib belgilangan ovoz berish yosh chegarasidan katta YOKI unga teng ekanligini aniqlash uchun >= taqqoslash operatoridan foydalanamiz:

int myAge = 25;
int votingAge = 18;
Console.WriteLine(myAge >= votingAge);

Ajoyib, shunday emasmi? Bundan ham yaxshiroq yondashuv (ishimiz yurishib turganida) — yuqoridagi kodni if...else operatoriga o‘rash, shunda natijaga qarab turli amallarni bajara olamiz:

int myAge = 25;
int votingAge = 18;

if (myAge >= votingAge) 
{
  Console.WriteLine("Old enough to vote!");
} 
else 
{
  Console.WriteLine("Not old enough to vote.");
}