HEX / HEXA

HEX qiymati

O‘n oltinlik rang mana bunday belgilanadi: #RRGGBB.

CSS’da rang mana bunday ko‘rinishdagi o‘n oltinlik qiymati bilan belgilanishi mumkin:

#rrggbb

Bunda rr (qizil), gg (yashil) va bb (ko‘k) — 00 va ff orasidagi o‘n oltilik qiymatlar (o‘nliqdagi 0-255 bilan bir xil).

Masalan, #ff0000 qizil ko‘rinadi, chunki qizil o‘zining eng yuqori qiymatiga (ff) o‘rnatilgan, qolganlari esa eng past qiymatga (00).

Qora ko‘rsatish uchun barcha qiymatlarni 00 qiling: #000000.

Oq ko‘rsatish uchun barcha qiymatlarni ff qiling: #ffffff.

Quyidagi HEX qiymatlarini aralashtirib sinab ko‘ring:

Kulrang soyalar ko‘pincha 3 yorug‘lik manbaining barchasi uchun teng qiymatlar bilan belgilanadi:

3 xonali HEX qiymati

Ba’zan CSS manbasida 3 xonali hex kodni ko‘rishingiz mumkin.

3 xonali hex kod ba’zi 6 xonali hex kodlarning qisqartmasidir.

3 xonali hex kod quyidagi ko‘rinishga ega:

#rgb

Bu yerda r, g va b — qizil, yashil va ko‘k komponentlarni ifodalaydi, qiymatlari 0 va f orasida.

3 xonali hex kod faqat qiymatlar (RR, GG va BB) har bir komponent uchun bir xil bo‘lganda ishlatilishi mumkin. Demak, #ff00cc bo‘lsa, uni mana bunday yozish mumkin: #f0c.

Mana misol:

HEXA qiymati

HEXA rang qiymatlari — alfa kanali qo‘shilgan HEX rang qiymatlarining kengaytmasi bo‘lib, u rangning shaffoflik darajasini belgilaydi.

HEXA rang qiymati quyidagicha belgilanadi:

#rrggbbaa

Alfa parametri — 00 (to‘liq shaffof) va FF (umuman shaffof emas) orasidagi qiymat. 80 qiymati 50% shaffoflikni bildiradi:

Bu yerda ba’zi umumiy shaffoflik foizlari va ularning aniq 2 xonali HEX qiymatlari keltirilgan:

• 100% - FF (umuman shaffof emas)
• 90% - E6
• 80% - CC
• 70% - B3
• 60% - 99
• 50% - 80
• 40% - 66
• 30% - 4D
• 20% - 33
• 10% - 1A
• 0% - 00 (to‘liq shaffof)

Video: CSS ranglari HEX