Git va GitHub bilan tanishuv

Git nima?

Git — mashhur versiyalarni boshqarish tizimi.

U 2005-yilda Linus Torvalds tomonidan yaratilgan va o‘shandan beri Junio Hamano tomonidan qo‘llab-quvvatlanib kelinmoqda.

U quyidagilar uchun ishlatiladi:

• Koddagi o‘zgarishlarni kuzatish
• O‘zgarishlarni kim kiritganini kuzatish
• Kod ustida hamkorlikda ishlash

Git’ning asosiy tushunchalari

• Repository (repozitoriy): Git loyihangizni va uning tarixini kuzatib boradigan papka.
• Clone (klonlash): Masofaviy repozitoriyning nusxasini kompyuteringizda yaratish.
• Stage: Keyingi safar qaysi o‘zgarishlarni saqlamoqchi ekaningizni Git’ga aytish.
• Commit (qayd): Stage qilingan o‘zgarishlaringizning holat suratini (snapshot) saqlash.
• Branch (tarmoq): Bir vaqtning o‘zida turli versiyalar yoki funksiyalar ustida ishlash.
• Merge (birlashtirish): Turli branch’lardagi o‘zgarishlarni birlashtirish.
• Pull: Masofaviy repozitoriydan eng so‘nggi o‘zgarishlarni olish.
• Push: O‘zgarishlaringizni masofaviy repozitoriyga yuborish.

Git bilan ishlash

• Papkada Git ishga tushiriladi (initialize) va u repozitoriyga aylanadi
• Endi Git shu papkadagi o‘zgarishlarni kuzatib borish uchun yashirin papka yaratadi
• Fayl o‘zgartirilganda, qo‘shilganda yoki o‘chirilganda, u o‘zgartirilgan (modified) hisoblanadi
• Siz stage qilmoqchi bo‘lgan o‘zgartirilgan fayllarni tanlaysiz
• Stage qilingan fayllar commit qilinadi, bu esa Git’ni fayllarning doimiy holat suratini (snapshot) saqlashga undaydi
• Git har bir commit’ning to‘liq tarixini ko‘rish imkonini beradi.
• Istalgan oldingi commit’ga qaytishingiz mumkin.
• Git har bir commit’da har bir faylning alohida nusxasini saqlamaydi, balki har bir commit’da kiritilgan o‘zgarishlarni kuzatib boradi!

Nega aynan Git?

• Dasturchilarning 70 foizdan ortig‘i Git’dan foydalanadi!
• Dasturchilar dunyoning istalgan nuqtasidan birgalikda ishlashlari mumkin.
• Dasturchilar loyihaning to‘liq tarixini ko‘rishlari mumkin.
• Dasturchilar loyihaning oldingi versiyalariga qaytishlari mumkin.

Platformani almashtirish:

---

GitHub Bitbucket GitLab